Meksikaning Yukatan shtati Merida shahri tennis bo‘yicha WTA 500 toifasiga kiruvchi turnirda mamlakatimizning uchinchi raqamli tennischisi Mariya Timofeyeva ishtirok etmoqda.

Aniqroq aytadigan bo‘lsak, Mariya musobaqaning saralash bahslarining 1/2 finali bosqichida argentinalik Martina Taborda Kapurroga qarshi kortga chiqdi va qiyinchiliksiz raqibini 6:4, 6:1 hisobida mag‘lubiyatga uchratdi.

Endi, tennischimiz asosiy to‘rga yo‘llanma beruvchi final bahsida yana bir argentinalik tennischi Mariya Lurdes Karlga qarshi kortga chiqadi. Ushbu uchrashuv bugun, 22-fevral kuni mamlakatimiz vaqti bilan soat 22:00da boshlanadi.

Javohir Toshxo‘jayev, O‘zA