Мексиканинг Юкатан штати Мерида шаҳрида ўтказилаётган теннис бўйича WTA 500 тоифасига кирувчи турнирда мамлакатимизнинг учинчи рақамли теннисчиси Мария Тимофеева асосий тўрга йўл олди.

Аниқроқ айтадиган бўлсак, Мария мусобақанинг саралаш баҳслари 1/2 финал босқичида аргентиналик Мартина Таборда Капуррони  6:4, 6:1, асосий тўрга йўлланма берувчи финал баҳсида яна бир аргентиналик теннисчи Мария Лурдес Карлни 6:3, 6:3 ҳисобида таслим этди.

Шу тариқа, Мария нуфузли мусобақанинг асосий тўр баҳслари илк даврасида польшалик Магдалена Френх билан куч синашади. Баҳс 25 февраль куни бўлиб ўтади.

Жавоҳир Тошхўжаев,

ЎзА