Мексиканинг Юкатан штати Мерида шаҳри теннис бўйича WTA 500 тоифасига кирувчи турнирда мамлакатимизнинг учинчи рақамли теннисчиси Мария Тимофеева иштирок этмоқда.

Аниқроқ айтадиган бўлсак, Мария мусобақанинг саралаш баҳсларининг 1/2 финали босқичида аргентиналик Мартина Таборда Капуррога қарши кортга чиқди ва қийинчиликсиз рақибини 6:4, 6:1 ҳисобида мағлубиятга учратди.

Энди, теннисчимиз асосий тўрга йўлланма берувчи финал баҳсида яна бир аргентиналик теннисчи Мария Лурдес Карлга қарши кортга чиқади. Ушбу учрашув бугун, 22 февраль куни мамлакатимиз вақти билан соат 22:00да бошланади.

Жавоҳир Тошхўжаев, ЎзА