Теннис бўйича Мельбурн шаҳрида “Катта дубулға” туркумига кирувчи Австралия Очиқ чемпионатида яккалик баҳсларнинг саралаш босқичи давом этмоқда.

Биз учун аҳамиятлиси, мазкур саралаш беллашувларида мамлакатимиз терма жамоаси аъзоси Мария Тимофеева илк ўйинини япониялик Маи Хонтамага қарши ўтказди ва 6:1, 4:6, 5:7 ҳисобида мағлуб бўлди.

Шу тариқа, Австралия Очиқ чемпионатининг бу йилги баҳсларида фақатгина бир теннисчимиз Камилла Раҳимова қолди. У мусобақанинг асосий тўр баҳслари яккалик ва жуфтлик йўналишида қатнашади.

Жавоҳир Тошхўжаев,

ЎзА