Францияның атышулы саясаткері, «Ұлттық бірігу» партиясының жетекшісі Марин Ле Пен 2027 жылғы президент сайлауына қатысу ниеті бар екенін мәлімдеді.

Бұл туралы ол TF1 телеарнасына берген сұхбатында айтты.

Сот шешімімен 4 жылға бас бостандығынан айырылып, 5 жыл бойы мемлекеттік қызмет атқару құқығынан айырылғанына қарамастан, Ле Пен саясаттан кетуге ниетті емес.

«Мен жауынгермін. Өзін-өзі жоюға жол бермейтін адаммын. Қандай жағдай болса да, саясаттан кетпеймін», – деді ол.

Марин Ле Пен сот шешімін саяси астары бар және заңсыз деп айтқан.

Ол Франциядағы президенттік додада басты фавориттердің бірі саналады. IFOP жүргізген сауалнамаға сәйкес, ол бірінші турда сайлаушылардың 34–37 пайызынан қолдау табуы мүмкін. Ал 2022 жылғы сайлауда бірінші турда 23,15 пайыз дауыс алған болатын.

Осылайша, сот үкіміне қарамастан, Марин Ле Пен саяси күресін жалғастыруға және 2027 жылғы сайлауға қатысуға бел буып отыр.