Польшада велоспортнинг трек йўналишида "Grand Prix Poland" халқаро турнирида аёллар миллий терма жамоамиз аъзолари иштирок этди.

“UCI” томонидан ташкил этилган мазкур мусобақада Маргарита Мисюрина “SCRATCH” йўналишидаги пойгада иштирок этиб, якунда шоҳсупанинг учинчи поғонасидан ўрин эгаллади. Пойгада Ольга Забелинская, София Каримова, Нафосат Қўзиева каби велоспортчиларимиз ҳам қатнашди.  

Маълумот учун, велоспортчиларимиз мусобақада хорижий мутахассис Глеб Гройсман мураббийлигида иштирок этди ва “Париж-2024” ёзги Олимпия ўйинларига йўлланма олиш учун халқаро рейтинг очколарига эга чиқди.  

Жавоҳир Тошхўжаев, ЎзА