Ana shu e’tibor samarasi o‘laroq Milliy gvardiya harbiy xizmatchi va xodimlari orasida turli sport turlari bo‘yicha O‘zbekiston, Osiyo va jahon chempionlari yetishib chiqmoqda. Buni Bahodir Jalolov, Bobo-Usmon Baturov, Murodjon Ahmadaliev, Hasanboy Do‘smatovlar misolida ko‘rish mumkin.

Ana shunday mohir sportchilarimiz safini kengaytirish maqsadida joriy yilning 18-20 noyabr kunlari Toshkent shahridagi “JAR” sport majmuasida Milliy gvardiya tomonidan sportning qo‘l jangi turi bo‘yicha O‘zbekiston Respublikasi birinchiligi uchun musobaqa tashkil etildi.

Mazkur turnirda jami 7 ta (-65, -70, -75, -80, -85, -90, +90) vazn toifasida 120 ga yaqin Milliy gvardiya harbiy xizmatchi va xodimlaridan tashkil topgan 18 ta jamoa o‘zaro kuch sinashdi. 

Musobaqa murosasiz janglarga boy bo‘ldi. Bellashuvlar yakuniga ko‘ra,1-o‘rinni Milliy gvardiya Toshkent viloyati bataloni egalladi. Xorazm viloyati bo‘yicha Milliy gvardiya boshqarmasi 2-o‘rin, Milliy gvardiya Harbiy-texnik instituti jamoasi esa 3-o‘rin sohibi bo‘ldi. 

G‘oliblar tashkilotchilar tomonidan munosib taqdirlandi. Ular, shuningdek, 2020 yilda O‘zbekiston Respublikasi huquqni muhofaza qiluvchi organlari o‘rtasida bo‘lib o‘tadigan qo‘l jangi bo‘yicha musobaqasi yo‘llanmasini ham qo‘lga kiritdi.