Биыл 29 қыркүйекте ДДСҰ Африка континентіндегі Руанда мемлекетінде Марбург вирусының тіркелгенін хабарлады. Руандадағы 30 округтің 7-інде, жалпы 26 жағдай тіркелген, соның ішінде 6 жағдай өліммен аяқталған.

ДДСҰ бұл эпидемияның қаупін ұлттық деңгейде өте жоғары, аймақтық деңгейде жоғары және бүкіл әлем деңгейінде төмен деп бағалап отыр.

Өзбекстанда Марбург вирусының таралуын болдырмау мақсатында мемлекеттік шекараларды кесіп өту орындарында санитарлық бақылау пункттерінде сақтық шаралары күшейтілді.

Сонымен қатар, Марбург вирусын болдырмау үшін геморрагиялық қызбаға күдік тудырған науқастарды уақтылы анықтап, изоляторларға орналастыру; күдік тудырған науқастармен байланыста болған медициналық қызметкерлердің стандартты қауіпсіздік шараларын қабылдауы, күдік тудырған науқастардың қанына тимеу шаралары қабылдануда.

Аурудың этиологиясы, клиникасы, лабораторлық диагностикасы және ауруды алдын алу мен профилактикасы бойынша медициналық қызметкерлердің біліктілігін арттыру, ауруды бақылауда қауіпсіз инъекция әдістерін қолдану, жеке қорғаныс құралдарын дұрыс пайдалану, қайта өңделетін медициналық құралдарды зарарсыздандыру және қалдықтарды қауіпсіз жою бойынша жұмыстар жүргізілуде. Халық арасында инфекция бойынша түсіндіру және насихат жұмыстарын жүргізу қолға алынған.

Санитарлық-эпидемиологиялық жағдай және қоғамдық денсаулық сақтау комитеті бұл мәселе бойынша қатты алаңдаушылық туындамағанын хабарлап отыр.