Bir necha kun avval Maradonaning shaxsiy shifokori u shifoxonaga oʻz ixtiyori bilan yotgani va hech qanday xavf yoʻqligini taʼkidlagan edi.

Maʼlumotlarga qaraganda, Maradona 30-oktyabr kuni oʻzining 60 yillik yubileyiga bagʻishlangan uchrashuv oldidan ommaga koʻrinish bergan. Argentina chempionatining birinchi turida uning “Ximnasiya Esgrima” jamoasi “Patronato”ni 3:0 hisobida magʻlub etgandi. Uchrashuv oldidan unga esdalik sovgʻasi topshirildi. Biroq Maradona oʻzini yomon his qilayotgani bois oʻyinni kuzata olmadi. Shundan soʻng Maradona shifoxonaga yotqizilgani haqida gaplar tarqala boshladi.

Mutaxassislarning taʼkidlashicha, miyaga qon quyilib, gematoma hosil boʻlishiga Maradonaning boks mashgʻulotlarida jarohatlangani sabab boʻlgan. Gematomani olib tashlash boʻyicha jarrohlik amaliyoti muvaffaqiyatli oʻtdi va u jonlantirish boʻlimidan olib chiqildi.