“Манчестер Сити"нинг ЕЧЛда ғолиб бўлиш имконияти юқори
Хабарингиз бор, футбол бўйича Европа чемпионлар лигаси 1/8 финал босқичида дастлабки ўйинлар якунланди.
Унда қайд этилган натижалардан сўнг, суперкомпьютер жамоаларнинг чемпионлик учун имкониятларини башорат қилди.
Унинг хулосасига кўра, Англиянинг "Манчестер Сити" клуби мусобақада ғолиб чиқиш имконияти 33,74 фоиз дея баҳоланди. Ундан сўнг Парижнинг “ПСЖ” жамоаси 16,72 фоиз билан иккинчи, Мадриднинг "Реал" клуби эса 12,01 фоиз билан кучли учликни якунлаб беради.
Рўйхатнинг сўнгги поғоналарини "РБ Лейпциг", "Реал Сосьедад" ва "Копенгаген" банд қилган.
Жавоҳир Тошхўжаев, ЎзА