Лондонда орналасқан Өзбекстанның Ұлыбританиядағы елшілігіне ағылшындық «Манчестер Сити» клубының ойыншысы Абдуқодир Хусанов барып, кездесу өткізді.

Футболшы Өзбекстанның Ұлыбританиядағы Төтенше және Өкілетті Елшісі Равшан Усмоновпен жылы жүзді сұхбатта болды. Әңгіме барысында жас футболшының Ағылшын Премьер-лигасының (APL) топ клубындағы мансабы, спорттағы қиын әрі табысты жолы, қызығушылықтары және Өзбекстанда футболға көрсетіліп жатқан ерекше қолдау туралы сөз қозғалды.

– «Манчестер Сити» клубының қорғаушысы, жерлесіміз Абдуқодир Хусановқа әрдайым сәттілік тілейміз! – деп жазды дипломат өзінің әлеуметтік желідегі парақшасында.

Кездесу соңында өзбекстандық легионер қолтаңбасы қойылған 45-нөмірлі жейдесін елшілік әкімшілігіне естелік ретінде сыйға тартты.