Жиззах вилоятида шахмат бўйича ўтказилаётган 8, 10 ва 12 ёшгача бўлган ўғил болалар ва қизлар ўртасидаги Ўзбекистон чемпионатида ғолиб ва совриндорлар номи аниқланди.

Рапид йўналишининг 8 ёшгача бўлган ўғил ва қизлар ўртасида Шоҳжаҳон Ҳомидов ва Моҳинур Аъзамхўжаева олтин медални қўлга киритган бўлса, 10 ёшгача бўлган шахматчилар орасида Абдураҳмон Ражабов ва Ҳуснорахон Ҳуснитдинова ғолиб бўлди. Мамлакат биринчилигининг 12 ёшгача бўлган ўғил-қизлар баҳсида Орият Обиджонов ҳамда Сарвиноз Бегмуратова Ўзбекистон чемпионига айланди.  

Стандарт йўналишида эса Фазлиддин Фарҳодов, Нурмуҳаммад Неъматиллахонов, Орият Обиджонов, Зарина Ларина, Ҳуснорахон Ҳуснитдинова ҳамда Сарвиноз Бегмуратова ўз ёш тоифаларида шоҳсупанинг энг юқори поғонасидан жой олди.  

Бугун, 3 февраль куни чемпионат доирасида блиц баҳслари бўлиб ўтади.  

Жавоҳир Тошхўжаев,

ЎзА