Испания томонидан тақдим қилинган 800 минг 640 доза Pfizer (TRIS, RTU original) вакцинаси Ўзбекистонга етказилди ва аэропортда мамлакатимиз масъулларига топширилди.

ССВ матбуот хизматининг хабар беришича, март ойида юртимизга олиб келинган коронавирусга қарши вакциналар миқдори 2 миллион 960 минг 640 дозани ташкил қилди. Ушбу Pfizer вакциналари Швеция, Италия, Чехия, Хорватия, Испания томонидан тақдим қилинди.  

Санитария-эпидемиология қўмитаси бўлим бошлиғи Дилором Турсунованинг сўзларига кўра, Pfizer (TRIS, RTU original)нинг бошқа турдаги вакциналардан, шунингдек, ушбу Pfizerнинг аввалги версияларидан фарқи шуки, янги партия вакциналари вируснинг энг сўнгги штаммларига таъсир қилиш имконияти юқори. Ушбу вакциналар юртимизга COVAX дастури доирасида етказиб берилмоқда. 

Ўзбекистонга Швециядан 722 минг 880 доза, Италиядан 702 минг 720 доза, Испаниядан 800 минг 640 доза, Чехиядан 446 минг 400 доза, Хорватиядан 288 минг доза вакцина келтирилган.  

ЎзА