Республика махсус комиссиясининг йиғилишида Санитария-эпидемиологик осойишталик ва жамоат саломатлиги хизмати бошлиғи Баҳодир Юсупалиевнинг таъкидлашича, Республика захирасида 18 миллион 300 минг доза вакцина бор. Касалликка қарши эмлаш тадбирлари учун олиб келинган ва маҳаллий шароитда ишлаб чиқарилган етти турдаги вакциналар жами 53 миллион 700 минг дозага етди. Шундан 45 миллион 300 минг дозаси қўлланилди.

Март, июнь ва июль ойларида 4 миллион доза "Pfizer", 7 миллион 500 минг доза "Moderna" вакцинаси олиб келинади.

Республикамизда эмланганлар сони 21 миллион 500 минг нафарга етган. Биринчи дозани 19 миллион 600 минг киши, иккинчи дозани эса (тўлиқ эмланганлар) 15 миллион 400 минг нафар шахс олган бўлса, бустер доза олганлар 10 миллион 300 минг нафарни ташкил этмоқда.

ЎзА