Mamlakatimiz eksport salohiyatini oshirish uchun xalqaro talablarga mos ishlashimiz kerak
Davlatimiz rahbari Murojaatnomada mamlakatimiz eksport salohiyatini oshirish boʻyicha olib borilayotgan tizimli ishlar koʻlami kelgusida yanada kengayishini bildirdi. Jumladan, eksportchilarni qoʻllab-quvvatlash jamgʻarmasi hamda eksportchilar faoliyatini muvofiqlashtiruvchi alohida agentlik tashkil etilishi aytib oʻtildi.
Davlatimiz rahbari Murojaatnomada mamlakatimiz eksport salohiyatini oshirish boʻyicha olib borilayotgan tizimli ishlar koʻlami kelgusida yanada kengayishini bildirdi. Jumladan, eksportchilarni qoʻllab-quvvatlash jamgʻarmasi hamda eksportchilar faoliyatini muvofiqlashtiruvchi alohida agentlik tashkil etilishi aytib oʻtildi.
Eksport bilan shugʻullanuvchi tadbirkorlar, biznes subyektlari huquq va manfaatlarini mustahkamlash maqsadida 2020-yilda 3000 ga yaqin standartlar ishlab chiqiladi va shu orqali amaldagi standartlar soni 10 mingtaga yetkaziladi. “10 mingta standart degani, bu — xalqaro miqyosda amal qilayotgan talablarning atigi 40 foizi degani, demak yana 60 foiz xalqaro meʼyorlarga hali tenglashishimiz kerak”, dedi Prezident.
- Yaqin kelajakda Angren, Termiz, Qoʻngʻirot EIZlari faoliyati jonlantiriladi. Ayni maqsadlarga erishish uchun 2-3 ta emas, savdo faoliyatini muvofiqlashtiruvchi oʻnlab qonunlarni oʻz ichiga olgan qonunlar paketini ishlab chiqishimiz zarur. Bu boradagi asosiy masʼuliyat, vazifa sizning, yaʼni deputatlarning zimmasiga tushadi, — deya alohida taʼkidladi Davlatimiz rahbari.