Футбол бўйича Ўзбекистон кубогининг 1-туридан ўрин олган «Металлург» ва «Сирдарё ФА» учрашувида 5:0 ҳисоби қайд этилган бўлса, «Жиззах» ўз майдонида «Пахтакор»га 1:2 ҳисобида енгилди. Мазкур ўйинлардан сўнг, «Металлург» ва «Пахтакор» ўз гуруҳида пешқадамга айланди.

Кубокнинг «Олимпик МобиУз» – «Қизилқум» ўртасидаги ўйинда кутилмаганда мезбонлар 2:1 ҳисобида зафар қучди ва Тошкент клуби 3 очкони қўлга киритди. «Нефтчи» эса «Дўстлик» жамоаси дарвозасига жавобсиз икки гол киритган ҳолда ғолиб бўлди. 

Бугун, 13 апрель куни «Андижон» клуби «Бобур Арена»да Самарқанднинг «Динамо» жамоасини қабул қилади. 

Шунингдек, бугун «Локомотив» – «Зомин», «Локомотив-БФК» – «Чиғатой», «Сурхон» – «Олимпик» жамоалари ўзаро рақобатлашади.

Жавоҳир Тошхўжаев, ЎзА