Мальта ҳукумати Ливия пойтахти Триполида ўз дипломатик ваколатхонаси фаолиятини тикламоқчи.

“REGNUM” хабарига кўра, Мальта бош вазири Роберт Абела шундай фикр билдирган.

Мазкур мамлакат вазирлар маҳкамаси матбуот хизмати Абеланинг Ливияга ташрифидан кейин шундай баёнот берилганини маълум қилган.

У Ливия билан дипломатик муносабатлар қайта йўлга қўйилиши ва икки мамлакат ўртасида авиақатновлар тикланиши, шунингдек, коронавирусга қарши ҳамкорлик қилинишини айтган.  

Эслатиб ўтамиз, февралда Миср ҳукумати Ливияда дипломатик ваколатхонасини очмоқчи эканини маълум қилганди.