Малайзия табиий офатларни бошқариш агентлиги маълумотига кўра, ўлканинг етти штатида 11 мингдан ортиқ одам кучли ёғингарчилик оқибатида юзага келган сув тошқинларидан жабр кўрган.

Таъкидланишича, табиий офат Кедаҳ, Келантан, Пенанг, Перак, Перлис, Теренгану ва Селангор штатларига жиддий зарар етказган.

Якшанба куни Перлис штатининг шимоли-ғарбий қисмидаги Ван Келиан қишлоғида кўчкилар туфайли тахминан 400 киши уйсиз қолди.

Агентлик ҳисоботида сув тошқинлари туфайли кўчирилганларни жойлаштириш учун жабр кўрган штатларда 60 та вақтинчалик бошпана очилгани айтилган.

Мамлакатнинг шарқий қисмида октябрдан мартгача кузатиладиган муссон ёмғирлари мавсумида сув тошқинлари тез-тез учрайди ва ҳар йили минглаб одамлар уйсиз қолади.

М.Пирматова, ЎзА