Малави вице-президенті Саулос Чилима ұшақ апатынан қаза тапты.

The Sun газетінің хабарлауынша, ұшақ апатынан Малави вице-президенті мен бірге ұшақ бортында болған 9 адамныі бәрі көз жұмған.

«Вице-президент, құрметті доктор Саулос Клаус Чилиман мінген ұшақ бүгін таңертең Чикангава орманынан табылды. Өкінішке орай, ұшақ бортындағы адамдардың барлығы қаза тапты», - деп хабарлады президент әкімшілігінің баспасөз қызметі. 

Малави басшысы Лазарус Чаквера бүгіннен бастап жерлеу рәсіміне дейін ұлттық аза тұту жариялады. Қайғылы оқиға болған лайнер бортында 1994-2004 жылдар аралығында елді басқарған Бакили Мулузидің әйелі Патриси Шанил Мулузи де болған.