Мактабга ҳужум қилган номаълум шахс 40 га яқин кишини пичоқлади
Хитойнинг жанубида Гуанси-Чжуан туманида қўлида пичоқ ушлаган номаълум шахс бошланғич мактабга ҳужум қилди.
Хитойнинг жанубида Гуанси-Чжуан туманида қўлида пичоқ ушлаган номаълум шахс бошланғич мактабга ҳужум қилди.
Оқибатда камида 40 га яқин одам турли даражада жароҳат олган, деб хабар беради РИА Новости. Жиноятчи мактаб муаллимлари ва ўқувчиларга ҳужум қилгани айтилмоқда.
Воқеа 4 июнь куни эрталаб юз берган. Қўлида пичоқ ушлаган номаълум шахс эрталаб мактабга чопиб кирган ва дуч келган кишига қарата пичоқ силтай бошлаган. Айни пайтда жабрланганларнинг уч нафари, жумладан, мактаб директори, қўриқчи ва бир ўқувчи жуда оғир аҳволда, дейилмоқда.
Кейинроқ жиноятчи қўлга олингани маълум қилинди. У қўриқлаш фирмасининг 50 ёшли ходими экан. Маҳаллий полициячилар жиноят сабабларини аниқлаш учун тергов ишларини бошлаб юборган.