Туркияда Халқаро теннис федерацияси томонидан M15 тоифасида ўтказилаётган халқаро турнирда ҳамюртимиз Максим Шин муваффақиятли иштирок этмоқда.

Турнирнинг саралаш босқичида Максим дастлаб испаниялик Лука Элгуера Касадони 2:6, 6:4, 10:7, иккинчи даврада нейтрал спортчи Игор Коченковни 6:1, 6:2 ҳисобида енгди. Максим энди асосий тўр йўлланмасини қўлга киритиш учун германиялик Карло Кубелик билан куч синашади.  

Мазкур баҳсда Максим Шин ғалаба қозонадиган бўлса, соврин жамғармаси 15 минг АҚШ долларини ташкил этувчи мусобақанинг асосий тўр баҳслари биринчи даврасига чиқади ва бош соврин учун курашни давом эттиради.  

Жавоҳир Тошхўжаев,

ЎзА