Нидерландтық пилот Макс Ферстаппен Формула-1 спортында қатарынан жеңіс саны бойынша (10) жаңа рекорд орнатты. Бұған дейін рекорд неміс жарысшысы Себастьян Феттельге тиесілі болатын.

«25 жастағы нидерландтық Формула-1 бойынша осы маусымда қатарынан оныншы және 11-ші Гран-при жеңіп алды. Ол қатарынан жеңістер саны бойынша Себастьян Феттель рекордын жаңартты (2013 жылы 9 жеңіс), - деп хабарлайды Sport Express интернет-порталы. 

Италияның Монце қаласындағы трассада 3 қыркүйекте өткен жарыста Ферстаппен бірінші, «Red Bull» пилоты Серхио Перес екінші орынды иеленді. Ол Ферстаппеннен 6,064 секундқа қалып қойды.