Буюк Британия Бош вазири Кир Стармер ва Франция Президенти Эммануэль Макрон "кўнгиллилар коалицияси" номли видеоконференция пайтида Украинадаги Европа тинчликпарварлик миссиясининг режаси тайёр эканлигини маълум қилди.

У Россия ва Украина ўртасида сулҳ битими имзолангандан кейин бир неча соат ичида амалга оширилиши мумкин. Стармер ушбу лойиҳани узоқ муддатли деб атади.

Франция ва Буюк Британия Украинага 50 000 га яқин аскар ва зобитдан иборат қўшма тезкор гуруҳ юборишни режалаштирмоқда. Сулҳ жараёни тўхтаса, тинчликпарвар кучлар жанговар амалиётни қайта бошлашга тўсқинлик қилиши керак.

Дарвоқе, Стармер ва Макрон қитъанинг бошқа давлатларини ҳам жалб қилиш орқали гуруҳни кенгайтириш ниятида.