Франция президенти Эммануэль Макрон француз ҳарбийлари томонидан “Буюк Сахарада Ислом давлати” террорчи гуруҳ раҳбари йўқ қилинганини маълум қилди, дейилади Франс Пресс агентлиги тарқатган хабарда.

Африканинг Сахель ҳудуди террорчилар ҳаракати ва ноқонуний миграция сабабли қитъадаги энг муаммоли жой бўлиб қолмоқда. 2014 йилда Франция минтақада террорчиликка қарши “Бархан” ҳарбий амалиётларини бошлаганди. Ушбу миссия минтақадаги “Сахель бешлиги” (G5) ҳудудий тузулма томонидан қўллаб-қувватланмоқда.