Навоий вилояти ҳокими Нормат Турсунов Бирлашган Араб Амирликларининг чиқиндиларни қайта ишлаш соҳасидаги энг йирик корхоналардан бири ҳисобланган “Tadweer” компанияси раҳбари Али Ал-Дахерини қабул қилди.

Бугунги кунда Навоий вилоятида жами 83 гектардан иборат 11 та қаттиқ маиший чиқиндиларни ташлаш полигони мавжуд бўлиб, кунига ўртача 1000 тонна чиқинди тўпланмоқда. Сўнгги маълумотларга кўра, йилига уларнинг 45,5 фоизи қайта ишланмоқда. 

Учрашувда вилоят ҳокими маиший чиқиндиларни йиғиш ва қайта ишлаш орқали электр энергиясини ишлаб чиқариш лойиҳасига кўмаклашиши ҳамда қўллаб-қувватлашини билдирди. 

А.Бўриев, ЎзА мухбири