– Prezidentimiz rahnamoligida tadbirkorlikni rivojlantirish, soha vakillarini har tomonlama qo‘llab-quvvatlashga qaratilayotgan alohida e’tibor faoliyatimizni kengaytirishga rag‘batlantirib, mamlakatimiz iqtisodiyoti va xalqimiz farovonligini yuksaltirish yo‘lida yanada ko‘proq mehnat qilishga undamoqda, – deydi “Erkin niyat sari” rahbari Shavkat Orziyev. – “Ipoteka-bank”ning viloyat filialidan olingan 150 million so‘m kredit evaziga zarur uskunalar xarid qildik. Yangi sexda kuniga 5-6 ming dona buxanka, olti xildagi shirinliklar tayyorlanmoqda. Ishlab chiqarilgan mahsulot shahrimiz bozorlariga yetkazib berilayotir.

Yangi sexning ishga tushishi bilan o‘n nafar yigit-qizning bandligi ta’minlandi. Kollej bitiruvchisi Dilafro‘z Aliyeva ulardan biri. 

– Bu yerda yoshlarning samarali ishlashi uchun barcha sharoit yaratilgan, – deydi Dilafro‘z. – Zamonaviy jihozlangan va uyimizga yaqin ushbu korxonada mehnat qilayotganimdan ota-onam ham juda xursand.