Mahalla kubogi davom etmoqda
Chekka mahallalarda yoshlarni sportga jalb etish, sog‘lom turmush tarzini targ‘ib qilish maqsadida sport musobaqalari tashkil etilmoqda. Bu borada Prezidentimizning 2020 yil 10 oktyabrdagi farmoni muhim dasturilamal bo‘lmoqda.
Mazkur farmon ijrosi doirasida Qashqadaryo viloyati Yakkabog‘ tumani “Mahalla” xayriya jamoat fondi va Yakkabog‘ tumani sportni rivojlantirish bo‘limi, Yakkabog‘ tuman 2-sonli sport maktabi hamkorligida mahallalarda stol tennisi bo‘yicha “Mahalla kubogi” musobaqasi o‘tkazilmoqda.
13-16 yoshdagi o‘smirlardan tarkib topgan jamoalar o‘rtasidagi turnir murosasiz o‘tdi. Musobaqada jami 120 nafar sportchilar ishtirok etdi va g‘oliblar hamkor tashkilotlar tomonidan esdalik sovg‘alari bilan taqdirlandi.
O‘lmas Barotov, O‘zA.