Odatda sport musobaqalarini sportchilar o‘rtasida o‘tkazilishiga ko‘nikib qolganmiz. Ammo keyingi yillarda hukumatimiz tomonidan keng aholi vakillarini ommaviy sport turlariga jalb qilish borasida amalga oshirilayotgan ishlar natijasida sport musobaqalari tashkilot va idoralar xodimlari, umumta’lim muassasalari o‘qituvchi va o‘quvchilari, uyushmagan yoshlar, mahallalar fuqarolari o‘rtasida ham muntazam o‘tkazilmoqda.

Xususan, Qashqadaryo viloyati Yakkabog‘ tumani hokimligi, “Mahalla” xayriya jamoat fondi Yakkabog‘ tumani bo‘linmasi, “Yangiobod” MFY hamda 75-maktab jamoasi tashabbusi bilan “Yangi O‘zbekistonda el aziz, inson aziz!”  shiori ostida 7 yoshdan 70 yoshgacha bo‘lganlar o‘rtasida shaxmat-shashka musobaqasi tashkil etildi.

Yuqori saviyada o‘tkazilgan aql gimnastikasi musobaqasida 1-2-3-o‘rinlarni egallagan sovrindorlarga tashkilotchilar tomonidan qimmatbaho sovg‘alar ulashildi.

O‘lmas Barotov, O‘zA