Шахматтан 16-шы әлем чемпионы Магнус Карлсен «Champions Chess Tour 2022» сериясында мерзімінен бұрын жеңіске жетті.

Бұл жағдай «Aimchess Rapid» онлайн турнирінің жартылай финалына шыққаннан кейін белгілі болды. Турнирдің ширек финалында Карлсен топтық кезеңдегі жеңілісі үшін есесін қайтарып, Арджун Эригаисиді 2,5:0,5 есебімен жеңді.

Жартылай финалда Карлсен Ян-Кшиштоф Дудамен, ал Шахрияр Мамедьяров Ричард Раппортпен кездеседі.

Champions Chess Tour 2022 жалпы турнирлік кесте (қазіргі позиция)

1. Магнус Карлсен (Норвегия) – 192,5.

2. Ян-Кшиштоф Дуда (Польша) – 118,5.

3. Рамешбабу Прагнанандха (Үндістан) – 106,5.

4. Ле Куанг Льем (Вьетнам) – 95,5.

5. Аниш Гири (Нидерланды) – 76,75.

6. Левон Аронян (АҚШ) – 63.