Запорожье АЭС атрофида хавфсизлик зонасини яратиш режаси ядровий авариянинг олдини олишга ёрдам беради.

Бу ҳақда МАГАТЭ сайтида чоп этилган баёнотда айтилади.  

“Режа Европадаги энг йирик АЭС атрофидаги зиддиятнинг барҳам топишига кўмаклашади”.  

МАГАТЭ Бош директори Рафаэль Гросси “ЗАЭС атрофида хавфсизлик  зонасини яратиш бўйича дипломатик саъй-ҳаракатлар олдинга силжимоқда, бу келишувга эришиш ва бундай муҳим чорани тезкорлик билан амалга ошириш зарур”, деб баёнот берди.  

Унинг сўзларига кўра, АЭС зиддиятнинг “оловли чизиғида” жойлашгани сабабли, объект ҳудудидаги вазият “ўта беқарор ва потенциал хавфли бўлиб қолмоқда”.  

Гросси МАГАТЭнинг Россия ва Украина томонлари билан мазкур масала бўйича маслаҳатлашувлар яқин келажакда ҳам давом эттирилишига ишонч билдирди.  

 ЎзА