Тошкент Фотосуратлар уйида “Мафтункор Покистон” номли фотокўргазма очилди. Фотокўргазма ушбу мамлакат мустақиллигининг 76-йиллигини нишонлаш муносабати билан ШҲТнинг Ўзбекистондаги Халқ дипломатияси маркази томонидан Покистон элчихонаси билан ҳамкорликда ташкил этилди.

Кўргазмада намойиш этилган фотосуратлар томошабинларни  Покистон, унинг қадимий тарихи, бой маданияти, ноёб меъморчилиги, гавжум шаҳарлари ва гўзал гўшалари бўйлаб саёҳатга чорлайди.    

Ушбу мамлакатнинг тарихий мероси Марказий Осиё билан узвий боғлиқ. Умуман олганда, кўргазма Покистон давлатининг бой мероси ва анъаналари билан танишишга чақиради.  

Н. Усмонова, ЎзА.