Ұлыбритания билігі Pfizer компаниясының коронавирусқа қарсы Паксловид таблеткаларын қолдануды мақұлдады.

ВВС-дің хабарлауынша, Паксловид таблеткалары ауру қаупі жоғары адамдарда симптомдар басталғаннан кейін қысқа уақыт ішінде қолдануға арналған. Клиникалық зерттеулер нәтижесінде препарат коронавирус белгілері пайда болғаннан кейін үш күн ішінде қабылдаған кезде ауруханаға жатқызу немесе өлім қаупін 89%-ға төмендетті.

Паксловид Ұлыбританияда ковидті емдеуге рұқсат етілген екінші вирусқа қарсы препарат болып, қарашада бақылаушы органдар Молнупиравир атты таблетканы қолдануға рұқсат берген болатын.