Премьер-министр Борис Джонсон Ұлыбританияда коронавирустың омикрон штамымен күресу үшін енгізілген бірқатар шаралардың күші жойылатынын айтты.

ВВС-дің мәліметінше, үкімет қоғамдық орындарда медициналық бетперде тағу және көпшілік қатысатын шараларда вакцинация төлқұжатын көрсету талабын алып тастайды.

Кейбір шаралар, мысалы, мектеп оқушыларының сабақта маска тағу талабы ертеңнен тоқтатылады, ал келесі сәрсенбіде көптеген басқа шектеулер күшін жояды. Сондай-ақ адамдарға қашықтан жұмыс істеу міндеттелмейді.

Джонсон жақын арада коронавирус жұқтырғандардан оқшаулану талабы жойылатынын айтты. Оның айтуынша, үкімет коронавирустық ортада қатаң шектеулерсіз өмір сүру бағдарламасын дайындап жатыр.