Өзбекстандық дипломаттар Ұлыбританияның Бизнес және сауда министрлігінің департамент басшысы Луи Колуэллмен келіссөздер барысында Өзбекстанның Дүниежүзілік сауда ұйымына (ДСҰ) мүшелігі мен экспорт көлемін арттыру мәселелері жан-жақты талқыланды.

«Dunyo» ақпарат агенттігінің хабарлауынша, сұхбат барысында британдық тарапқа 26-29 ақпанда Дабиде өткен ДСҰ-ға мүше мемлекеттер министрлерінің 13-ші кездесуі аясында үш ел - Жапония, Израиль және Доминикан Республикасымен нарыққа қол жеткізу хаттамаларына қол қойылғаны, сондай-ақ Таиландпен келіссөздер аяқталғаны айтылды.

Британдық тарап Өзбекстанның ДСҰ-ға мүше болу жолындағы жылдам қадамдарын құптап, осы бағытта жан-жақты қолдау көрсетуге және келіссөздер жүргізуге дайын екенін білдірді.

Келіссөздер соңында Өзбекстанның экспортын ұлғайту мақсатында ел бизнесмендері мен британдық сарапшылардың қатысуында вебинар өткізу туралы келісімге қол жеткізілді.