Букингем сарайы король III Чарльз қатерлі ісік ауруынан емделіп жатқанын хабарлады.

Хабарда айтылуынша, 75 жастағы монарх 5 ақпанда емделуге кіріскен.

Бұған дейін Чарльз III простата безіне байланысты медициналық процедурадан өткен. Хабарламаға сәйкес, дәл осы уақытта оның қатерлі ісік диагнозы қойылған және оның қуық асты безіне қатысы жоқ.

Король ауруды емдеуді 5 ақпанда бастады. Ол ауруханаға жатқызылмайды, амбулаторлық ем алады. Дәрігердің ұсынысы бойынша емделу кезінде қоғам өкілдерімен барлық кездесулерден бас тартады. Дегенмен, ол мемлекеттік құжаттармен жұмысын жалғастыра береді.