Ұлыбритания Ауғанстанға гуманитарлық көмек ретінде қосымша 375 миллион доллар бөледі
Британ үкіметі Ауғанстан халқына гуманитарлық көмек көрсету үшін қосымша 286 миллион фунт стерлинг (374,5 миллион доллар) бөледі.
«Ұлыбритания Ауғанстан халқына қолдау көрсетіп, адам өмірін сақтап қалатын азық-түлікпен, дәрі-дәрмек және баспанамен қамтамасыз етуде көш бастап келеді. Одақтастар және серіктестермен бірге біз Ауғанстанға көбірек көмектесе аламыз және жасаймыз», - деді сәрсенбі күні Ұлыбритания Сыртқы істер министрлігінің басшысы Лиз Трасс.
Біріккен Ұлттар Ұйымының Ұлыбритания Сыртқы істер министрлігі келтірген бағалауы бойынша, Ауғанстандағы 10 миллионға жуық бала шұғыл гуманитарлық көмекке мұқтаж.
Бұл қаражат БҰҰ құрылымдары мен үкіметтік емес ұйымдар арқылы бөлінетіні және «Талибан» қозғалысы құрған Ауғанстан үкіметіне тікелей жіберілмейтіні атап өтілген.