«Барселона» және «Ливерпуль» клубының бұрынғы шабуылшысы, соңғы бірнеше ай Уругвайдың «Насьональ» клубында ойнаған Луис Суарес мансабын АҚШ-та жалғастыруы мүмкін.

RAC1 порталының хабарлауынша, 35 жастағы уругвайлық футболшы «Лос-Анджелес Гэлакси» клубына ауысуға жақын.

Шабуылшының «Насьональ» командасымен келісімшарты 2022 жылдың соңына дейін. Келісімшарт аяқталғаннан кейін ойыншы Галаксиге қосылуы керек.

35 жастағы шабуылшы осы маусымда 16 ойынға қатысып, сегіз гол соғып, барлық жарыстарда үш нәтижелі пас берді. Биылғы маусымда Суарес «Насьональ» клубымен чемпионы атанды. Бұл клуб үшін 49-шы жеңіс болды.