Америка Қўшма Штатларида номаълум шахс ой тақвимига кўра янги йилни нишонлаш пайтида оломонга қарата ўт очган. Натижада ўн киши ҳалок бўлиб, ўн киши яраланган.

“Анадолу” хабарига кўра, ҳодиса Калифорнияда, Лос-Анжелес чеккасидаги Монтерей Паркда юз берди. Ҳар йили минглаб америкаликлар байрамни нишонлаш учун маҳаллий боққа йиғилади.

Полиция хабарида отишма Харви авенюдаги рақс клубида содир бўлгани, ҳужумни эркак киши амалга оширгани айтилган.

Воқеа жойига яқин ресторан эгаси Сеунг Вон Чойнинг айтишича, унинг муассасасига уч киши бостириб кириб, шу атрофда отишма бўлаётгани учун эшикни қулфлаб қўйишни буюрган.

Маълум бўлишича, ҳудудда пулемётли ва ёнида ўқ-дори захираси мавжуд эркак бўлган.

ЎзА