2028 йилнинг глобал комплекс спорт мусобақаси саналган XXXIV ёзги Олимпия ўйинларига қизиқиш, интилиш, унинг теграсидаги масалалар йилдан йилга долзарб аҳамият касб этмоқда.

2028 йилнинг 14-31 июль кунлари АҚШнинг Лос-Анжелес шаҳрида ўтказиладиган ёзги Олимпия ўйинлари ташкилий қўмитаси тўрт йиллик мусобақаларнинг чипталарини сотиб олиш учун рўйхатдан ўтиш бошланганини эълон қилди.

Унга кўра, ўйинларга чипта харид қилишни истаган томошабинлар биринчи қадамда тизимдан рўйхатдан ўтишлари ва ўзларига керакли дастурларни белгилашлари лозим бўлади.

Айтиш лозим, рўйхатдан ўтиш жараёни жорий йилнинг 18 мартига қадар давом этади. Бу 9-19 апрель кунлари амалга ошириладиган биринчи сотув жараёни учун асос бўлади. Унда чипта эгалари рўйхатдан ўтган иштирокчилар орасидан тасодифий танлов асосида ажратиб олинади. 

Ташкилий қўмитанинг маълум қилишича, чипталарнинг илк сотув нархи 28 АҚШ долларидан бошланиши кутилмоқда.

Т.Рўзиев, ЎзА