Халықаралық Олимпиада комитеті 2028 жылы АҚШ-тың Лос-Анджелес қаласында өтетін XXXIV жазғы Олимпиада ойындарында әйелдер боксы бағдарламасының кеңейтілетінін ресми түрде жариялады.

Бұл шешім Олимпиада тарихында алғаш рет ерлер мен әйелдер арасындағы бокс жарыстарының салмақ дәрежелерінде теңдіктің орнауына жол ашпақ.

Бекітілген жаңа бағдарламаға сәйкес, «Лос-Анджелес-2028» Олимпиадасында ерлер мен әйелдер арасында 124 боксшыдан жекпе-жекке шығып, жалпы 14 салмақ дәрежесі бойынша медальдар үшін талас жүргізетін болады.