Ұлыбританияда тұратын әзірбайжандар Әзірбайжан мен Армения шекарасындағы соғысқа байланысты Лондондағы Армения елшілігінің алдында наразылық акциясын өткізді. Акция барысында екі ұлтты жандар арасында төбелес басталып, нәтижесінде бір адам жарақат алды.

ВВС-дің хабарлауынша Әзірбайжан мен Түркияның жалауларын көтерген ондаған әзірбайжандықтар «Қарабақ», «Қарабақ - бұл біздікі, ол біздікі болады», «Ұят, Армения» деген ұранмен елшілік алдында сөз көтерген. Содан кейін арада наразылық туындап оның арты жанжалға ұласқан.

Ал бұл оқиға туралы екі елдің ақпарат құралдары да өздеріне қарсы тарапты бірінші қол көтерді деп бір-бірін айыптап жазған.