Ұлыбританиядағы соңғы онжылдықтағы ең үлкен ереуіл Лондонның орталығында басталды.

Euronews-тің хабарлауынша, ұлттық ереуілге жарты миллионға жуық жұмысшы қосылған. Наразылыққа себеп инфляцияның өсуі және үкіметтің ереуілшілер үшін ең төменгі жұмыс көлемін енгізу туралы бастамасы болды. Шерушілер еңбек жағдайын жақсартуды және жалақыны көтеруді талап етуде.

Акцияға елдің түкпір-түкпіріндегі әр саланың жұмысшылары, соның ішінде оқытушы, университет қызметкерлері, мемлекеттік қызметкерлер және теміржолшылар қосылған болса, рекордтық инфляцияға байланысты наразылық акциясына заңгерлер, пошташылар және басқа да жұмысшылар оларды қолдауда.

Сәрсенбі күнгі ереуілге байланысты Ұлыбританияда мыңдаған мектептер жабылды, ондаған университетте дәрістер өтпей, қоғамдық көлік тоқтап, теміржол қатынасы жартылай үзілген және көптеген рейстер тоқтатылды немесе кешіктірілген.