“Lokomotiv” ning yirik g‘alabasi
Toshkentning “Lokomotiv” jamoasi Osiyo chempionlar ligasidagi dastlabki g‘alabasini nishonladi.
Toshkentning “Lokomotiv” jamoasi Osiyo chempionlar ligasidagi dastlabki g‘alabasini nishonladi.
“С” guruhida o‘ynayotgan “Lokomotiv” klubi to‘rtinchi turni o‘z maydonida Qatarning “Al-Sadd” jamoasiga qarshi o‘tkazdi.
“Temiryo‘lchi”lar uchrashuvning dastlabki daqiqalaridan hujumkor o‘yin namoyish etdi. Bu 7-daqiqada o‘z samarasini berdi. Marat Bikmayev raqib darvozasini aniq nishonga oldi – 1:0. 14-daqiqada Marat Bikmayev “Al-Sadd” jamoasi darvozasiga ikkinchi to‘pni kiritdi.
“Lokomotiv” a’zolari ikkinchi bo‘limni ham ketma-ket hujumlar bilan boshladi. 54-daqiqada Sanjar Shoahmedov navbatdagi golga mualliflik qildi. Zaxiradan maydonga tushgan Damir Koyashevich 79-daqiqada raqib darvozabonini dog‘da qoldirdi. O‘yinga qo‘shib berilgan daqiqalarda Ruslan Koryan beshinchi golni kiritib, “Lokomotiv”ning yirik hisobdagi g‘alabasini ta’minladi.
Guruhdagi ikkinchi uchrashuvda Eronning “Fulad Xuziston” klubi Saudiya Arabistonining “Al-Hilol” jamoasiga qarshi maydonga tushadi.
Endi “Lokomotiv” 21-aprel kuni “Al-Hilol” jamoasini qabul qiladi.