Ливия астанасы Триполиде қарулы қақтығыс басталып, Президенттік кеңестің қауіпсіздік қызметінің басшысы Абдель Гани әл-Кикли қаза тапты.

Al Wasat басылымның мәліметінше, әл-Кикли дүйсенбі күні кешке 444-бригаданың Триполидегі штабы аумағында оққа ұшқан. Қазіргі уақытта қаладағы Айн-Зара және Салах ад-Дин аудандарында атыс жалғасып жатыр.

Жағдайдың ушығуына байланысты Триполидегі Митига халықаралық әуежайының қызметі уақытша тоқтатылды. Қалада қауіпсіздік шаралары күшейтілді. Триполиде орналасқан Ұлттық бірлік үкіметінің Ішкі істер министрлігі тұрғындарды үйлерінен шықпауға шақырды.

Қақтығыстың нақты себептері мен оған қатысушылар туралы ресми ақпарат әлі жарияланған жоқ.