Сейсенбі күні Ливияның шығыс жағалауы маңында мигранттар мінген кеме апатқа ұшырап, кемінде 18 азамат қаза тапты.

«АзерТАЖ» ақпарат агенттігінің хабарлауынша, 50 адам із-түзсіз жоғалған.

Мәліметке қарағанда, әзірге аман қалған 10 адам табылған, құтқару жұмыстары жалғасып жатыр.

– Ливия босқындар үшін негізгі транзит нүктесі болып қалып отыр. Мигранттардың көбі қанау, зорлық-зомбылық және өмірге қауіп төндіретін сапарларға тап болуда, – делінген Халықаралық еңбек миграциясы ұйымының (ХЕМ) мәлімдемесінде.

Сонымен қатар, ұйым азаматтардың қорғанысты қажет ететін осал топтарын қорғау шараларын күшейтуге шақырған.