Ливан жағалауында бірнеше ондаған мың тонна мазут тиелген Pyxis Epsilon танкері зақымданды.

Fleet Mon басылымының хабарлауынша, оқиға ауа-райының қолайсыздығынан орын талған.

 «Түркияның Алиаға портынан 42 мың тонна мазут тиелген Pyxis Epsilon танкері Ливанның Амшит портында қатты жел салдарынан Амшит жағалауында апатқа ұшырады. Оқиға салдарынан кеменің рульі зақымдалып, жүк түсіру уақытша тоқтатылды», - деді Ливанның көлік министрі Али Хамиа.

Оның айтуынша, оқиға салдарынан қоршаған ортаға зиян келмеген.