Литва Украинаға 4,5 миллион дана оқ-дәрі жіберді.

Елдің қорғаныс министрлігі мәліметінше, Литваның биылғы жылдың күзіне дейін Украинаға берген әскери көмегінің құрамында Ми-8 тікұшақтары, оқ-дәрілері бар L-70 зениттік зеңбіректері, M113 бронетранспортерлері, миллиондаған оқ-дәрілер, сондай-ақ гранатометтерге арналған оқ-дәрілер бар.

Жақын арада NASAMS жылжымалы зениттік-зымырандық кешендерінің ұшыру қондырғылары, антидрондар, логистикалық және басқа да қосалқы жабдықтар Украинаға беріледі.

Қорғаныс министрлігі дерегінше, Литва әскери техниканы берумен қатар украин жауынгерлерін белсенді түрде оқытып, медициналық және оңалту көмегін көрсетіп, сарапшыларға кеңес беріп келеді.