Литва “БелАЭС” қурилишида иштирок этаётган компанияларга қарши санкциялар қўлланишини талаб қилмоқда
Литва бош вазири Ингрида Шимоните Евроиттифоқни Беларусь атом электростанцияси қурилишида иштирок этаётган компанияларга нисбатан санкция жорий қилишга чақирди.
“Financial Times” хабарида айтилишича, Шимоните Беларусь ҳукуматига қарши санкциянинг барча турларини кўриб чиқилишини, жумладан, “БелАЭС” ни қураётган компанияларга санкция жорий қилиниши кераклигини талаб қилган.
Аввалроқ, Европарламент хавфсизлик талабларига жавоб бермасгани учун “БелАЭС”даги ишларни тўхтатишни талаб қилувчи резолюция қабул қилганди.