Литва астанасы Вильнюс қаласында «UZ Euro Trade House» Өзбекстанның сауда үйі ашылды.

Сыртқы істер министрлігінің мәліметінше, салтанатты шараға ӨР Сыртқы істер министрінің орынбасары Гайрат Фозилов, Литва үкіметі, қоғам және іскер топтардың, БАҚ өкілдері қатысты.

Іс-шарада Өзбекстан мен Литваның өзара сауда көлемін одан әрі арттыру үшін айтарлықтай әлеуеті бар екені атап өтілді. Өзара сауда-саттықты жандандыруға қызмет ететін бұл механизмнің іске қосылуы Өзбекстан мен Литва арасындағы қарым-қатынастардың жан-жақты дамуының жарқын көрінісі екені сөз болды.

Жоғарыда айтылғандай, сауда үйінің іске қосылуы екі елдің іскер топтары арасындағы практикалық серіктестік пен нәтижеге бағытталған мазмұнды диалогты айтарлықтай жандандыратыны сөзсіз, делінген хабарламада.