Лиссабонда фуникулер (еңіске немесе өрге жүретін теміржол көлігі) вагоны рельстен шығып кетуі салдарынан кемінде 15 адам қаза тапты.

Observador газетінің жазуынша, болат арқан үзіліп, фуникулер жоғары жылдамдықпен ғимаратқа соғылған.

Кемінде 18 адам жараланған, олардың бесеуінің жағдайы ауыр. Осы оқиғаға байланысты қалада үш күндік аза тұту жарияланды.

«Элевадор да Глория» деп аталатын бұл фуникулер 1885 жылы ашылған және Лиссабонның танымал туристік нысандарының бірі саналады. Ол 2002 жылы Португалияның ұлттық ескерткіші деп танылған.